Saleum hai apa lon buka kalam
    Bak teungoh malam ulon keureuja
    Lon peu-ek saleum dum seukalian
    Handai ngon tulan, gampong ngon banda

    Deungoe lon suson na saboh kisah
    Masa bang Dolah geumat kuasa
    Geupimpin nanggroe ngoen apoh-apah
    Sampe ka reubah dalam penjara

    Laen lom dinoe adoe mutuah
    Na laen kisah ka diputa-puta
    Sideh di Banda tempat mutuah
    Dikorup leupah peng rakyat jelata

    Na leumbaga meugaji mewah
    Die peudong bagah bantu beusigra
    Leupah that seudeh watee kaleupah
    Rakyat lam sosah mantong meurana

    Yue peuget rumoh beumeurie mewah
    Tapi dipeugah ka kureueng dana
    Dipeuget buku cetak bu bagah
    Rupa jih payah bak bagi jeumba

    * * *

⬆
Top